Суоли Шумо ба Фаттоҳ Саидов

Пеш аз ҳама ба шумо шунавандагони гиромиқадри радиои Озодӣ барои заҳматҳои кашидаатон барои ширкат дар ин гуфтугӯи мустақим арзи сипос мекунам, ки ин қадар дар барҳам додану пешгирӣ кардани омилҳои коррупсионӣ дар кишвар ҳусни таваҷҷӯҳ зоҳир менамоед ва ҳавасманд ҳастед.

Ҷавоб ба суол: Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз ҷониби шаҳрвандон то ба имрўз нисбати фаъолияти Ширкатҳои «Квест- Нет» ва «Тяншӣ» ягон арзу шикоят ворид нагардидааст. Дар мавриди баҳои ҳуқуқи додан ба дурустии фаъолияти ин ширкатҳо бошад, танҳо ҳамон вақт сухан гуфтан мумкин аст, ки дар асосии ин ё он арзу шикоят фаъолияти онҳо зери санҷиши пурра ва ҳаматарафа қарор гирифта бошад, вале Агентӣ нисбати корхонаву ташкилотҳои ғайридавлатӣ бе мавҷудияти асосҳои кофӣ санҷиш намегузаронад.
Аз дигар сӯ тибқи қонуни Ҷумҳурии Тоҷикистон барои ширкатҳои хурду миёна моратория эълон шудааст ва мо аз рӯи ин қонун ҳақ надорем, ки фаъолияти ин ширкатҳоро мавриди тафтишу санҷиш қарор бидиҳем.

1. Махсусан доир ба ин маъсала ҳоло аз ҷониби мо таҳлилу таҳқиқоти сотсиологӣ гузаронида нашудааст, вале дар ояндаи наздик гузаронидани чунин чорабинӣ дар назар аст. Танҳо баъди амалӣ кардани ин гуна таҳқиқот метавон ба ин саволи Шумо ба таври мушаххас ҷавоб гуфт. Ҳоло бошад Агентӣ бо назардошти аҳамияти муҳими иҷтимоӣ доштани фаъолияти мўътадили мақомотҳои иҷроияи ҳокимияти давлатӣ ва ҳифзи ҳуқуқу қудратӣ, ошкору пешгирӣ намудани кирдорҳои коррупсиониро дар ин соҳаҳо ҳамчун яке аз самтҳои муҳими фаъолияти худ қарор додааст. Бо ин мақсад тадбирҳои заруриро оид ба муборизаи беамон бо коррупсия дар соҳаҳои номбурда андешида, дар нватиҷа дар ин соҳаҳо як қатор ҳолатҳои тамаъҷуию порахурӣ, баромадан аз ҳадди ваколатҳои мансабӣ, тасарруфи амвол ва ғайраҳо ошкор шуданд.
Чунончи, дар давоми ду солу нуҳ моҳи фаъолияти худ Агентӣ барои содир намудани ҷиноятҳои порахўрӣ, суйистифода аз ваколатҳои мансабӣ ва дигар ҷиноятҳои коррупсионӣ нисбати зиёда аз 80 нафар шахсони масъули мақомоти маҳаллии ҳокимияти давлатӣ ва худидоракунии маҳаллӣ, инчунин қариб 200 нафар кормандони мақомоти ҳифзи ҳуқуқ ва сохторҳои қудратӣ, аз ҷумла беш аз 70 нафар - умури дохила, 30 нафар - андоз, 20 нафар - гумрук, 40 нафар –хизматчиёни ҳарбии ҳайати роҳбарикунанда, 10 - нафар сохторҳои судӣ (аз ҷумла 4 судя) ва 2 нафар - прокуратура парвандаҳои ҷиноятӣ оғоз намуда, тафтиши қисми зиёди онҳоро ба охир расонида, ба суд ирсол кард. Ногуфта намонад, ки ҷиноятҳои коррупсионӣ дар сохторҳои вазоратҳои тандурустӣ, маориф ва кишоварзӣ низ хеле зиёд ошкор карда шудаанд.

2. Мувофиқи қонун интихоби кадрҳо дар асоси озмун сурат мегирад. Дар ин озмун ба ҷуз аз комиссияи махсуси назди агентӣ ҳамчунин намояндагони дастгоҳи иҷроияи президенти кишвар ва инчунин идораи хизмати давлатии назди президенти Ҷумҳурии Тоҷикистон иштирок мекунанд. мо ҳатто посбонҳоро ҳам дар асоси озмун ба кор мегирем. Озмунҳо дар нашрияҳои "Ҷумҳурият", "Садои мардум", "Минбари халқ" замчунин тавассути телевизион эълон мешаванд.

3. Дар мавриди ришватситонӣ дар фурӯдгоҳҳо ҳаминро қайд карданием, ки то ба имрўз аз ҷониби шаҳрвандон ягон арзу шикоят расман ворид нашудааст, Агар Шумо маълумоти муфасал дошта бошед , хоҳиш мекунем бо ариза ва ё телефонҳои боварии Агентӣ ки дар сайти Агентӣ мавҷуд аст муроҷиат намоед. Гузашта аз ин дар ин самт чорабиниҳои фаврӣ ҷустуҷуи ба нақша гирифта шудааст.

Дар амони Худованд бимонед!

1. Ҳамаи он шахсоне, ки даст ба ҷиноят мезананд новобаста аз мансаб, вазифаи ишғолнамуда ва ғайра дар назди қонун баробар мебошанд ва мувофиқи санадҳои меъёри ҳуқўқи ба ҷавобгари кашида мешаванд.
2. Дар ин самт аз ҷониби мо чорабиниҳои фаврӣ - ҷустуҷуи ба нақша гирифта шуда, амалӣ гардида истодаанд. Вале то ба имрўз доир ба ин масъала аз ҷониби шаҳрвандон ягон арзу шикоят расман ворид нашудааст. Агар Шумо маълумоти дақиқ дошта бошед, хоҳиш мекунем бо ариза ва ё телефонҳои боварии Агентӣ ки дар сайти Агентӣ мавҷуд аст муроҷиат намоед.
3. Албатта раисони шахру нохия ё вилоят бе коррупсия зиндаги карда метавонанд.

Додари азиз барои навиштан ва таҳсил гирифтанатон ташаккур. Шумо барои маълумоти муфассал пешниҳод намудан оиди кирдорҳои номатлуби корманди ВКД суроғаи Агентиро аз сомонаи он «http://www.anticorruption.tj/» дастрас намоед ва ё таввасути ариза ба Агентӣ муроҷиат кунед.

Шумо оид ба масъала метавонед бо телефонҳои боварии Агентӣ, Дастгоҳи Марказӣ: 221-45-49, 227- 40-73, қисмҳои навбатдории Агентӣ: 221-48-10 , 234-65-78, Раёсати Агентӣ дар ш. Душанбе: 221-92-37, Раёсати Агентӣ дар нақлиёт: 226-81-85, 221-72; Раёсати Агентӣ дар вилояти Хатлон (8-3222) 2-26-17, Раёсати Агентӣ дар вилояти Суғд: (8-3422) 2-15-41, Раёсати Агентӣ дар ВМКБ: (8-35222) 2-27-07, инчунин таввасути сомонаи интернетии Агентӣ http://www.anticorruption.tj бо мо мунтазам дар тамос шаванд ва ё бо ариза расман ба Агентӣ муроҷиат намоед.

1. Дар ин самт Шумо ба мутоилаи расонаҳои хабари ва барномаҳои телевизионӣ тавваҷуҳ зоир намоенд. Инчунин маълумоти муфасалро аз сомонаи интернетии Агентӣ дастрас намоед. Умуман коррупсияро комилна аз байн бурда намешавад, вале роҳҳои паст кардани сатҳи он вуҷуд дорад. Мо рӯз аз рӯз муборизаро дар ин самт пурзур карда истодаем. Коррупсия фақат хоси кишвари мо нест, балки дар ҳамаи кишварҳои ҷаҳон мушоҳида мешавад. Сатҳи он дар Тоҷикистон аз бисёр кишварҳои дигар пасттар аст.
2. Ба расонаҳои хабар ва сомонаи Агентӣ тавваҷуҳ зоир намоед.
3. Албата шахсони мансабдори боламақом дастгир шуда истодааст ва нисбати онҳо низ маълумоти муфасал дар расонаҳо пай дар пай пешниҳод гашта истодааст. Барои мисол тавваҷуҳ намоед ба сайти Агентӣ.

Имрӯз ё фардо замони баргузории сӯҳбат муайян мешавад ва ба маълумоти ҳамаи хонандагон расонида хоҳад шуд.

1. Он ҳусни таваҷҷӯҳе, ки президенти кишвар баро мубориза бо коррупсия дорад, дигар касе надорад. Ин масъала дар ҳамаи ҷаласаҳо ва нишастҳо аз сӯи ҷаноби олӣ матраҳ мешавад. Ман дар симои президент шахсиятеро мебинам, ки тамоми қувваву ғайраташро барои мубориза бо фасод ва коррупсия дареғ намедорад.
Мўҳтарам Асламхуҷа, Ман имрўз ҳамчун Директори Агентӣ фаъолият менамоям ва ба Шумо низ танҳо аз номи Директори Агентӣ ҷавоб медиҳам. Ман нияти номзадии худро ба мансаби Президент мондани надоштам ва ин фикрро ҳам надорам, инчунин аз номи Президент чизе гуфта наметавонам.
2. Ба сомонаи Агентӣ нигаред.
3. Агар оиди ягон ҳуқуқвайронкунии Самиев далелҳои мушаххас мавҷуд бошанд марҳамт пешниҳод намоед, санҷиш гузаронида мешавад.

Аз фаъолияти меҳнатии бисёрсолаам.